थांनै पावण री आस - नवल जाणी (राजस्थानी कविता)
थांनै पावण री आस
------------------
नवल जाणी
------------------
वां पूछै
म्हैं उणसूं इतौ परेम क्यूं करूँ
म्हैं कह्यौ म्हारी एक चावना है
थांनै पावण री.
वां कैवे
हरमेस मोळा-मोळा क्यूं रैवो
म्हैं कह्यौ बणती खपत है म्हारी
थांनै हरैक खुशी देवण री.
वां कैवे
हरमेस कीं-कीं सोच मांय क्यूं रैवो
म्हैं कह्यौ आदत पङगी म्हारी
थांनै सुपनों मांय अपणावण री.
वां कैवे
जोग संजोग म्हूं नीं मिळी तो
म्हैं कह्यौ मन करै'क
त्रिकाळ बणीयौङी जिंदगाणी मिटाणै री.
वां कैवे
थांनै कांई मिळेगों मर मिट नै
म्हैं कह्यौ एक आस है
थांनै आगळै जनम मांय पावण री.
'नवल'
टिप्पणियाँ
एक टिप्पणी भेजें